பெப்ரவரி 3 – வரலாற்றில் நிகழ்ந்த முக்கிய நிகழ்வுகள்

பெப்ரவரி 3 (February 3) கிரிகோரியன் ஆண்டின் 34 ஆம் நாளாகும். ஆண்டு முடிவிற்கு மேலும் 331 (நெட்டாண்டுகளில் 332) நாட்கள் உள்ளன.

நிகழ்வுகள்:

• 1377 – இத்தாலியின் செசெனா நகரத்தில் பாப்பரசரின் படைகளினால் 2,000-க்கும் அதிகமானோர் கொல்லப்பட்டனர்.

• 1451 – சுல்தான் இரண்டாம் முகமது உதுமானியப் பேரரசராக முடிசூடினார்.

• 1488 – பார்த்தலோமியோ டயஸ் நன்னம்பிக்கை முனையைச் சுற்றி வந்து மொசெல் விரிகுடாவில் தரையிறங்கி, தூரதெற்குப் பகுதிக்குச் சென்ற முதல் ஐரோப்பியரானார்.

• 1509 – தியூ சமரில் உதுமானிய, குசராத்து கூட்டுப் படைகளைப் போர்த்துக்கீசக் கடற்படை வென்றது.

• 1661 – மராட்டியப் படைகள் பேரரசர் சிவாஜியின் தலைமையில் முகலாயப் படைகளைத் தோற்கடித்தன.

• 1690 – ஐக்கிய அமெரிக்காவின் முதலாவது நாணயத்தாள் மசாசூசெட்சில் அறிமுகப்படுத்தப்பட்டது.

• 1783 – ஐக்கிய அமெரிக்காவின் விடுதலையை எசுப்பானியா அதிகாரபூர்வமாக அங்கீகரித்தது.

• 1830 – உதுமானியப் பேரரசிடமிருந்து கிரேக்கம் முழுமையாக விடுதலை அடைவதற்கான உடன்பாடு இலண்டனில் எட்டப்பட்டது.

• 1870 – ஐக்கிய அமெரிக்காவில் அனைத்து இன ஆண்களுக்கும் வாக்களிக்கும் உரிமை வழங்கப்பட்டது.

• 1894 – யாழ்ப்பாணத்தின் பல இடங்களிலும் நிலநடுக்கம் உணரப்பட்டது.

• 1913 – ஐக்கிய அமெரிக்காவில் வருமான வரி அறவிடும் உரிமை நடுவண் அரசுக்கு வழங்கப்பட்டது.

• 1916 – கனடா ஓட்டாவாவில் நாடாளுமன்றத்தின் மைய வளாகக் கட்டடம் தீயினால் அழிந்தது.

• 1917 – முதலாம் உலகப் போர்: ஐக்கிய அமெரிக்கா செருமனியுடனான தூதரக உறவைத் துண்டித்தது.

• 1930 – வியட்நாம் கம்யூனிஸ்ட் கட்சி கவுலூனில் (ஆங்காங்) ஆரம்பிக்கப்பட்டது.

• 1931 – நியூசிலாந்தின் நேப்பியர் பகுதியில் ஏற்பட்ட 7.9 ரிக்டர் நிலநடுக்கத்தில் 258 பேர் உயிரிழந்தனர்.

• 1944 – இரண்டாம் உலகப் போர்: அமெரிக்கப் படைகள் சப்பானிடமிருந்து மார்சல் தீவுகளைக் கைப்பற்றின.

• 1945 – இரண்டாம் உலகப் போர்: ஐக்கிய அமெரிக்காவின் 1,000 விமானங்கள் பெர்லின் மீது குண்டுகளை வீசின.

• 1966 – சோவியத் விண்கலம் லூனா 9 சந்திரனில் தரையிறங்கிய முதலாவது விண்கலம் என்ற சாதனையைப் படைத்தது.

• 1969 – யாசர் அரபாத் பாலஸ்தீன விடுதலை இயக்கத்தின் (PLO) தலைவராகத் தெரிவானார்.

• 1972 – ஈரானைப் பெரும் பனிப்புயல் தாக்கியதில் அடுத்த ஏழு நாட்களில் சுமார் 4,000 பேர் உயிரிழந்தனர்.

• 1984 – சாலஞ்சர் விண்ணோடத்தில் சென்ற விண்வெளி வீரர்கள் விண்வெளியில் சுயாதீனமாக நடந்து சாதனை படைத்தனர்.

• 1998 – தம்பலகாமம் படுகொலைகள்: இலங்கையின் தம்பலகாமத்தில் சிறுவர்கள் உட்பட எட்டுத் தமிழர்கள் சுட்டுக் கொல்லப்பட்டனர்.

• 2006 – எகிப்தியப் பயணிகள் கப்பல் செங்கடலில் மூழ்கியதில் ஆயிரத்திற்கும் மேற்பட்டோர் உயிரிழந்தனர்.

பிறப்புகள்:

• 1821 – எலிசபெத் பிளாக்வெல், முதல் அமெரிக்கப் பெண் மருத்துவர்.

• 1900 – டி. ஆர். சேஷாத்ரி, புகழ்பெற்ற தமிழக வேதியியலாளர்.

• 1930 – மணி கிருஷ்ணசுவாமி, கருநாடக இசை வாய்ப்பாட்டுக் கலைஞர்.

• 1938 – வஹீதா ரெஹ்மான், இந்தியத் திரைப்பட நடிகை.

• 1944 – கந்தர்வன், தமிழக எழுத்தாளர் மற்றும் கவிஞர்.

• 1963 – ரகுராம் கோவிந்தராஜன், இந்தியப் பொருளியல் அறிஞர்.

• 1983 – சிலம்பரசன் (STR), தமிழகத் திரைப்பட நடிகர்.

இறப்புகள்:

• 1468 – யோகான்னசு கூட்டன்பர்கு, அச்சியந்திரத்தைக் கண்டுபிடித்தவர்.

• 1855 – டானியல் புவர், அமெரிக்க இலங்கை மிஷனின் மூத்த முதல்வர்.

• 1900 – எ. ஆ. கிருட்டிணப் பிள்ளை, தமிழகக் கிறித்தவத் தமிழ்ப் புலவர்.

• 1924 – ஊட்ரோ வில்சன், அமெரிக்காவின் 28-வது அரசுத்தலைவர் (நோபல் வெற்றியாளர்).

• 1969 – கா. ந. அண்ணாதுரை (பேரறிஞர் அண்ணா), தமிழகத்தின் முன்னாள் முதலமைச்சர்.

• 1987 – ஜார்ஜ் தாம்சன், பிரித்தானிய மார்க்சியப் புலமையாளர்.

சிறப்பு நாள்:

• கம்யூனிஸ்டுக் கட்சி நிறுவன நினைவு நாள் (வியட்நாம்).

• மாவீரர் நாள் (சாவோ தொமே மற்றும் பிரின்சிப்பி).

தகவல் உதவி: விக்கிப்பீடியா