சமூக ஊடகங்கள் மற்றும் தொலைபேசி அழைப்புகள் ஊடாக மேற்கொள்ளப்படும் பண மோசடிகள் குறித்து நாட்டு மக்களுக்கு பொலிஸ் தலைமையகம் விசேட வழிகாட்டல்களை வெளியிட்டுள்ளது. வங்கி அதிகாரிகள் மற்றும் பொலிஸ் உத்தியோகத்தர்கள் எனப் போலியாக நடித்து, பொதுமக்களை அச்சுறுத்திப் பணத்தைப் பறிக்கும் சம்பவங்கள் அதிகரித்துள்ளதாகப் பொலிஸார் சுட்டிக்காட்டியுள்ளனர்.
📝மோசடிக்காரர்கள் பயன்படுத்தும் புதிய தந்திரங்கள்:
▪️போலி அச்சுறுத்தல்: உங்கள் வங்கிக் கணக்கில் போதைப்பொருள் கடத்தல்காரர்களின் பணம் வைப்புச் செய்யப்பட்டுள்ளதாகக் கூறி அச்சுறுத்தி, அதனைச் சரிசெய்ய எனக் கூறி வேறொரு கணக்கிற்குப் பணத்தை மாற்றச் செய்தல்.
▪️ரகசியத் தகவல்களைப் பெறுதல்: வங்கி ஊழியர் போலப் பேசி ஒரு முறை பயன்படுத்தப்படும் கடவுச்சொற்கள் (OTP), PIN இலக்கங்கள் மற்றும் QR குறியீடுகளைப் பெற்றுக்கொள்ளுதல்.
▪️போலி வாக்குறுதிகள்: வேலைவாய்ப்பு, வெளிநாட்டுப் பரிசுகள் அல்லது சட்ட நடவடிக்கைகளில் இருந்து விடுவிப்பதாகக் கூறிப் பணத்தை வைப்புச் செய்யச் சொல்லுதல்.
📝பாதுகாப்பாக இருக்கப் பொலிஸார் வழங்கும் 6 முக்கிய ஆலோசனைகள்:
- உத்தியோகபூர்வ பக்கங்களை உறுதிப்படுத்துக: Verified badges கொண்ட பக்கங்களை மட்டும் நம்புங்கள்.
- தகவல்களைப் பகிர வேண்டாம்: உங்கள் வங்கிக் கணக்கு விபரங்கள், அடையாள அட்டை இலக்கம், OTP, PIN மற்றும் கடவுச்சொற்களை எவருக்கும் வழங்காதீர்கள்.
- சந்தேகத்திற்கிடமான இணைப்புகள்: தெரியாத நபர்களால் அனுப்பப்படும் இணைய இணைப்புகளை (Links) ஒருபோதும் திறக்காதீர்கள்.
- உறுதிப்படுத்தப்பட்ட கணக்குகள்: பணப் பரிமாற்றங்களின் போது சம்பந்தப்பட்ட தரப்பின் நம்பகத்தன்மையை உறுதிப்படுத்துங்கள்.
- அடையாளத்தைச் சரிபார்க்கவும்: யாரிடமாவது பணத்தை வைப்புச் செய்வதற்கு முன்னர் அவரது அடையாளத்தை உறுதி செய்யவும்.
- முறைப்பாடு செய்தல்: ஏதேனும் மோசடி நடந்தால் உடனடியாகக் குற்றப் புலனாய்வுத் திணைக்களத்தின் இணையக் குற்றப் பிரிவிற்கு (Cyber Crime Unit) அறிவிக்கவும்.
📝அவசரத் தொடர்புகளுக்கு:
📱இவ்வாறான மோசடிகள் தொடர்பில் தகவல் தெரிந்தால் அல்லது பாதிக்கப்பட்டால் பின்வரும் இலக்கங்களைத் தொடர்பு கொள்ளுங்கள்:
▪️மிரிஹான விசேட குற்ற விசாரணைப் பிரிவு: 011-2852556 / 075-3994214
▪️கணினி குற்ற விசாரணைப் பிரிவு: 011-2300638 / 011-2381375 / 011-2381058
உங்கள் பணத்தைப் பாதுகாத்துக் கொள்ள எப்போதும் விழிப்புடன் இருங்கள்!